ՏԵՍԱՆՅՈՒԹ - Առանց սիրո խոսքերն անսանձ են և աչքերը բաց – Երգի պրեմիերա Եվա Եգանյանից և Զարեհ Թևանից

Հոկտեմբերի 21 –ին Մեգերյան կարպետում տոն էր, և այս անգամ առիթ էին հանդիսացել երգիչ, երգահան Զարեհ Թևանը և ժողովրդական երգերի անզուգական կատարող Եվա Եգանյանը։ Գեղեցիկ զույգից ծնունդ էր առել մի երգ, որը կոչվում է «Առանց սիրո», իսկ հեղինակը Ամերիկաբնակ Ռուբեն Թելունցն է։ Վստահաբար կարող ենք ասել, որ հայկական երգարվեստում ավելացավ ևս մեկ գեղեցիկ ու գունեղ կտավ, ի շնորհիվ անզուգական կատարման։ Երեկոն իրենց ներկայությամբ պատվել էին՝ Սասուն Պասկևիչյանը, Լեյլա Սարիբեկյանը, Կարեն Քոչարյանը, Դավիդ Աթանեսյանը, Արա Գևորգյանը, Քրիստ Մանարյանը, Գայանե Հովհաննիսյանը և մեծանուն ու արվեստասեր մարդիկ։ Հատկանշական է նաև այն, որ երգի և տեսահոլովակի պրեմիերայի համար Հայաստան էր ժամանել երգի հեղինակը՝ Ռուբեն Թելունցը, և ինչպես ներկայացրեց, տարիներ առաջ սկսված գործը այսօր տեսնում ենք էկրանին։

«Առանց սիրո աշխարհը փուչ է, և մարդիկ՝ դատարկ,

Առանց սիրո դրախտը ցուրտ է, և դռները՝ փակ․․․»

 Լուսանկարները՝ https://www.facebook.com/media/set/?set=a.2042848642532397&type=3

Հայտնի և սիրված արտիստը՝ Լիդուշիկը, վերադարձել է մանկություն և հունիսի 1-ին ընդառաջ փոքրիկներին ուրախ անակնկալ մատուցել

Վերջին օրերին, ողջ համացանցը ողողված է Երկիր Մեդիա հեռուստաալիքով ցուցադրվող «Փոքրիկ երկիր» մանկական հաղորդաշարի տոնական լուսանկարներով։ Իսկ, թե ովքե՞ր են մասնակցել նկարահանմանն ու ինչպե՞ս են ընտրվել երեխաները, այս մասին զրուցեցինք «Փոքրիկ երկիր» հաղորդման պրոդյուսեր, Gyurjinyan production-ի հիմնադիր տնօրեն՝ Արփինե Գյուրջինյանի հետ։

1.    Մի փոքր պատմեք այս մասին։

Հունիսի մեկին՝ երեխաների պաշտպանությանը նվիրված օրվան ընդառաջ, նկարահանվեց մեր հերթական տոնական եթերը, որին հյուրընկալվել էր բոլոր փոքրիկների կողմից սիրված ու սպասված Լիդուշիկը։ Երեխաները բացառապես երգել են նրա երգացանկում տեղ գտած երգերը, իսկ տաղանդաշատ փոքրիկներին՝ ելույթի ընթացքում, անակնկալ կերպովով միանում էր նաև Լիդուշիկը։ Երեխաների տրամադրությունն այնքան բարձր էր, որ կարծես հունիսի 1 –ը տեղափոխվել էր մայիսի 23։

2.    Ինչպե՞ս է տեղի ունեցել երեխաների ընտրությունը և ովքե՞ր են մասնակցել նկարահանմանը։

Նախապես հայտարարվել էր քաստինգ՝ «Փոքրիկ երկիր» նախագծի համար, իսկ այն երեխաները, ովքեր կհամագործակցեին մեզ հետ, և կվարեին հաղորդաշարը, նրանց սպասվում էր անակնկալ։ Կարծում եմ փոքրիկների համար առավել մեծ ու հիշվող նվեր չէր կարող լինել, քան ելույթը սիրված աստղի հետ։ Ուստի նկարահանմանը մասնակցել են ...

ՇԱՐՈՒՆԱԿՈՒԹՅՈՒՆԸ․․․

Արիանա Հովսեփյանը ո՞ր դեպքում և ու՞մ է պատրաստվում նվիրատվություն կատարել իր Range Rover մակնիշի մեքենան

ԱՐԽԱ բլոգ լրատվական կայքն անդրադարձել է վերջին օրերին համացանցում թեժ քննարկման արժանացած մի լուսանկարի պատմությանը, որն իր էջում էր տեղադրել Newspress.am-ի հիմնադիր Արիանա Հոսվեփյանը։ Հարցարզույցը ներկայացնում ենք ստորև։

Օրեր շարունակ համացանցում մեծ աղմուկ է, իսկ կիզակետում այս անգամ հայտնվել է Միջազգային հեղինակավոր IPI (Միջազգային Մեդիա Ինստիտուտ) լրատվական կազմակերպության խորհրդի անդամ, Newspress.am-ի հիմնադիր Արիանա Հոսվեփյանը, ում համացանցում տեղադրած լուսանկարը,  հանրության կողմից բուռն քննարկումների արժանացավ։ Դեպքի հետ կապված անդրադարձ եղավ նաև մի շարք միջազգային լրատվականների կողմից։ Դե, իսկ ես փորձեցի գնալ խոսակցությունների և քննարկումների հետքերով։ Հստակ ինֆորմացիա ունենալու համար անձամբ կապվեցի Արիանայի հետ, ում հետ զրուցեցինք այս թեմայի շուրջ։

- Ախթալա-Ալավերդի գործնական այցս հիշվող դարձավ։ Այս անգամ ճանապարհս եղավ Իջևանով։ Արձանը, որի մասին այդքան մեծ աղմուկ բարձրացավ, տեղեկացված էի միայն տեսանյութերով ու լուսանկարներով (խոսքս Գյումրիում տեղադրվածարձանի մասին է), բայց այն, որ Իջևանում ևս տեղադրել էին, ինքս էլ զարմացա։ 

Այս մասին կարող եք ծանոթանալ՝ http://www.irates.am/hy''''/1559598573

Մեքենաս կայանեցի, հավաքեցի մի փունջ «կանաչ, կոկոն ծաղիկներ» և որոշեցի պահն անմահացնեմ ու էդ անհասցե արձանի հետ լուսանկարվեմ, իսկ ծաղիկները մոտեցրեցի արձանին, որ հոտ քաշի, ինչ իմանաս էդ արձանն էսօր կա, վաղը՝ չկա։ Երբ նկարը տեղադրեցի համացանց, որոշ օգտատերեր, առանց իմ իմացության տարածեցին այն՝ «Յոնջա, խոտ ուտող արձանը» անվամբ, իսկ ես այդ պահին  բացարձակ ռեակցիա չտվեցի։ Դեպքից  հետո՝ երեք օր շարունակ, էջումս գրոհ է։ Իմ արարքի համար չեմ ափսոսում, չեմ փոշմանել, ու եթե պետք լինի, պատրաստ եմ նույնիսկ չորացած խոտ քաղեմ ու կերակրեմ՝ ինֆորմացիան հավաստի դարձնելու համար։

Երկու տարի շարունակ պայքարում ենք արդարության համար, լուսաբանում ենք բացարձակ ճշմարտությունը, հանրությունը չգնահատեց, իսկ այն  «լրատվամիջոցը», որն ի շահ իրենց բարօրության, լուսաբանում են այն, ինչը թելադրվում է, ասածները հալած յուղի տեղ են օգտագործում։ Հենց այդ չկայացած լրատվականներից մեկն էլ, ով պարզ երևում էր, որ ծախված է,  նյութի հետ կապված գրել էր՝ ժողովուրդը պահանջում է, որ ինձ պատժեն, նրա համար, որ իրենց վարչապետի, իրենց «Հիսուսի»  արձանն եմ անարգել․ Յա՞, իրո՞ք, Խնդրեմ, պատժե՛ք,  սպասում եմ,- ապա ավելացրեց, - Այդ չկայացած լրատվականին, որն անհասականալի աղբյուրներից է ֆինանսապես սնվում՝ գոյը պահելու համար, կասեմ, ո՛չ թե անդրադարձեք իմ այն արարքին, որ  ՈՉ ՊԱՏՄԱՄՇԱԿՈՒԹԱՅԻՆ ԱՐՁԱՆԻ հետ վարվել եմ այնպես, ինչպես, որ հարկն էր՝ նկատի ունեմ «գեղեցիկ» լուսանկարահանվելը,  այլ ուշադրություններդ հրավիրեք ու պարզաբանումներ ստացեք, թե ինչպե՞ս եղավ, որ միջին տարիքի տղամարդը մերկ վիճակում բարձրացավ արտաքին գործերի նախարարության դիմացի զբոսայգում գտնվող Ստեփան Շահումյանի արձանի վրա ու տարօրինակ շարժումներ կատարեց։

Շարունակությունը մի շարք փաստերով առաջարկում եմ ընթերցեք հենց Արխա բլոգ կայքից, այցելելով հետևյալ հղմամբ՝
https://my-arxa-blog.blogspot.com/2020/04/blog-post_21.html

Հրազդանցի Խաչատուր Առաքելյանը և Մովսես Զաքարյանը միացան համահայաստանյան բարեգործական նախաձեռնությանը

Վերջին օրերին ամբողջ աշխարհում խառնաշփոթ է, իսկ պատճառը Կորոնավիրուսն է` (COVID-19) վարակային հիվանդությունը, առաջացած SARS-CoV-2-ով, որը սերտ առնչվում է SARS վիրուսին:

ՀՀ-ում հիվանդության կանխարգելման համար արվում են մի շարք միջոցառումներ՝ օրենքով սահմանված կարգով։ Այս օրերին Հանրապետության գրեթե բոլոր տարածքներում ակտիվ երիտասարդների շնորհիվ, ինքնաբուխ կերպով, տարատեսակ նախաձեռնություններ են ստեղծվում։ Հրազդանցի երիտասարդներ՝ Խաչատուր Առաքելյանը և Մովսես Զաքարյանը ևս հանդես եկան սեփական նախաձեռնությամբ։ Անձնական միջոցներով տնային պայմաններում պահպանելով բոլոր սանիտարահիգիենիկ նորմերը, սկսեցին պատրաստել պաշտպանիչ դիմակներ։ Գաղափարը ծնվել էր այն ժամանակ, երբ դեղատներում նկատել են պաշտպանիչ դիմակների բացակայությունը, որոշ վայրերում էլ տեսնելով գնային աճը, ցանկացան պատրաստել և անվճար հիմունքներով բաժանել հատուկ կարիքավոր ընտանիքներին և խոցելի խմբերին։ Հրազդան համայնքում արտակարգ դրության սահմանումից հետո ստեղծվեց արագ արձագանքման շտաբը, որի ղեկավարն է համայնքապետ Սևակ Միքայելյանը, ինչպես նաև ձևավորվեց ՀԿ-ներից, ակտիվ քաղաքացիներից, նախաձեռնող խմբերից բաղկացած հատուկ խումբ։ 

Իրենց ծրագիրն արդյունավետ իրականացնելու համար հրազդանցի երիտասարդները որոշեցին համագործակցել․ շտաբին հանձնեցին 200 –ից ավել դիմակներ, և պատրաստակամություն են հայտնել մինչև արտակարգ դրության ավարտը ապահովել դիմակներով։ «Աստծո հաջողությամբ այս աշխատանքը մինչև վերջ անելու ենք մեր միջոցներով, եթե կլինեն մարդիկ, ովքեր կցանկանան միանալ բարեգործությանը՝ ֆիզիկապես աջակցելու կամ ֆինանսական առումով, ապա միայն ուրախ կլինենք, քանզի մեր շարքերը կհամալրվեն, - իր խոսքում նշեց Խաչատուր Առաքելյանը, ապա հավելեց,- Խնդրում ենք, հորդորում ենք, պահպանենք հիգիենայի կանոնները, հետևողական լինենք մասնագետների խորհուրդներին, ինքնագործունեությամբ չզբաղվենք ու չվտանգենք մեր ու մեր սիրելիների կյանքը»։ 

Իսկ երիտասարդ  բարերար Մովսես Զաքարյանը նշեց․

-Յուրաքանչյուր փորձություն անցողիկ է․ դրանց հաղթելու համար պետք է միասնական լինենք, չլցվենք չարությամբ, չդառնանք եսասեր։ Մաղթում եմ բոլորին միայն ու միայն քաջ առողջություն։

Իսկ Ինչպե՞ս պաշտպանվել վարակներից

Մի շարք վարակներից խուսափելու համար ԱՀԿ-ն խորհուրդ է տալիս հետևել ձեռքերի և շնչառական համակարգի հիգիենայի, ինչպես նաև՝սննդի անվտանգ պատրաստման կանոններին։

Ստորև թվարկված են դրանցից մի քանիսը։

• Հաճախակի լվանալ ձեռքերը՝ օգտագործելով ալկոհոլի հիմքով պատրաստված նյութեր կամ օճառ և ջուր։
• Հազալիս և փռշտալիս անպայման փակե՛ք բերանը և քիթը անձեռոցիկով։ Այնուհետև անմիջապես դե՛ն նետեք անձեռոցիկը և լվացե՛ք ձեռքերը։
• Խուսափե՛ք ջերմություն կամ հազ ունեցող անձանց հետ մտերիմ շփումից։
• Եթե ջերմություն ունեք, հազում եք կամ դժվար եք շնչում, անպայման դիմե՛ք բժշկի և անպայման բժշկին հայտնեք, եթե նոր եք վերադարձել ճանապարհորդությունից։
• Եթե այցելել եք այնպիսի տարածքներ, որտեղ գրանցվել են կորոնավիրուսով վարակման դեպքեր, խուսափե՛ք կենդանիների հետ անպաշտպան շփումից։
• Խուսափե՛ք հում կամ կիսաեփ միս ուտելուց։
• Հում մսին, կաթին կամ կենդանիների օրգաններին վերապահումով մոտեցեք և հետևե՛ք, որ դրանք անմիջապես կոնտակտի մեջ չլինեն այլ սնննդատեսակների հետ։ Ի լրումն, հում մսամթերքի ու այլ սննդամթերքների համար առանձին կտրատման տախտակ օգտագործեք։ Ի դեպ, մի մթերքից մյուսին անցնելիս չմոռանաք լվանալ ձեր ձեռքերը։

Կորոնավիրուսի հետ առնչվող մանրմասն ինֆորմացիա կարող եք կարդալ նաև

coronavirushttps://www.babycef.am/hy/childcare%20and%20health/health-issues-protection-from-viruses-%20myths-about-coronavirus

Նյութը պատրաստեց Աննե Մարին

«Մինչ համերգային ծրագրերի սկսվելը, հնարավոր է, որ կոպիտ եմ լինում շատերի հանդեպ, բայց դա ունի իր բացատրությունը»-ԱՐԽԱ

«Մինչ համերգային ծրագրերի սկսվելը,  հնարավոր է, որ կոպիտ եմ լինում շատերի հանդեպ, բայց դա ունի իր բացատրությունը»,- ինձ հետ զրույցում նշեց այսօրվա հյուրս, ով վերջերս տեղի ունեցած Happy award kids մրցանակաբաշխության կազմակերպիչն էր և հանդիսանում է Արխա բլոգ մշակութային լրատվական կայքի տնօրենը, նույն ինքը՝ Արամ Խաչատրյանը։ Այս անգամ ևս հետաքրքրվեցի համերգային ծրագրերի արդյունքների, դրանց նախապատրաստական աշխատանքների, ինչպես նաև՝ մոտ ապագայում սպասվելիք նորությունների մասին։ Նշեմ, որ մինչ զրույցի սկսվելն արդեն ժպտում էինք երկուսս էլ, քանզի նրա հետ խոսելիս հնարավոր չէ զսպել անկեղծ ծիծաղը։

Արամ, թե՞ Արխա․․․ Ինչպե՞ս դիմեմ։

Ընտրությունը Ձերն է։

Հաշվի առնելով մեր մտերմությունը կդիմեմ անունով, և իհարկե, եթե Դեմ չեք, անցնենք Դու-ի՝ զրույցն անմիջական դարձնելու համար։

Սիրով։

Արամ, վերջերս տրված հարցազրույցի ժամանակ նշել էիր․ «Սկսված կազմակերպչական հարցերիցարդեն իսկ տարբերությունը մեծ էր։ Նախորդ համերգային ծրագրերն անցկացվում էին ռեստորանայինտարբերականերով, սակայն այս անգամ՝  բեմումէր»։ Ամեն դեպքում, ո՞րն էր ավելի հոգեհարազատ։

Նման մեծամասշտաբ միջոցառում առաջին անգամ չէ, որ իրականացնում էի, սակայն պատասխանատվությունը կրկնակի անգամ շատ էր․ պատասխանատու էի՝ ծնողների, հանդիսատեսի և ամենապահանջկոտ մասնակիցների       ՝ փոքրիկների առաջ։ Միշտ չէ, որ կարող ես գոհացնել փոքրիկ մարդուկներին, բայց արի ու տես, գոհ մնացինք բոլորս։ Ուստի հոգեհարազատ է աշխատանքդ այն ժամանակ, երբ այն ստացված է և կողքիդ կա հզոր թիմ։

-  

Շուրջ 50 մասնակից․ Ինչո՞վ եք առաջնորդվում նրանց անվանակարգեր շնորհելուց առաջ։

Նշեմ, որ անվանակարգերը որոշելուց առաջ ուսումնասիրում ենք մասնակցի անցած ուղղին, հաշվի ենք առնում  նրանց ձեռքբերումներն ու գրանցած հաջողությունները, որից հետո նշանակվում է հանձնաժողով, ովքեր էլ վերջնական ամփոփում են աշխատանքը։ Նաև չմոռանամ նշել, որ հետևողական ենք լինում մասնակիցների տարեկան ծավալած գործունեությանը, սա ևս շատ մեծ դերակատարում ունի։

Այդ օրը՝ փետրվարի 13-ին, նկատեցի, թե ի՜նչ ջերմությամբ և ոգևորվածությամբ եք դիմավորում հյուրերին։ Մի՞շտ է այսպես։

Չէի ասի։ /ծիծաղում է/ Մինչ համերգային ծրագրերի սկսվելը,  հնարավոր է, որ կոպիտ եմ լինում շատերի հանդեպ, բայց դա ունի իր բացատրությունը՝ պատասխանատվությունս մեծ է արված աշխատանքիս հանդեպ, և շատ հաճախ այդ պահին, երբ չեմ լուսանկարվում ցանկացողների հետ՝ նեղանում են, բայց ի՞նչ արած, ինձ էլ է հասկանալ պետք։

Կարծում եմ ոչ մեկի աչքից չվրիպեց նաև այն փաստը, որ բեմահարթակ չբարձրացաք, անգամ հիշում եմ ետնաբեմից դուրս եկաք ամենավերջինը։ Սա ի՞նչ էր նշանակում։ Վախենում էիք կարծիքների բախումի՞ց։

Ամենևին։ Կարծիքներ լավ կամ վատ , էսպես, թե էնպես լսելու էի։ Մի փոքր, եթե շատ անկեղծանամ, կասեմ՝ նկարվել չեմ սիրում, իսկ համերգից հետո, կարծում եմ պատկերացնում եք, թե ի՞նչ է կատարվում։ Նույնիսկ հիշում եմ, մի պահ դուրս եկա, տեսա հյուրերին կարմիր գորգի մոտ և արագ ներս մտա դահլիճ ու դռները փակեցի։ Բնավորության վատ գիծ է, որից ազատվել է պետք։

Հետագայում ի՞նչ ծրագրերի կարող ենք սպասել, թե՛ լրատվական դաշտում, և թե՛ համերգային ասպարեզում։

Լրատվական ասպարեզում անշուշտ շուտով կլինեն նոր հարցազրույցներ, իսկ համերգային ծրագրերի առումով կարող եմ հավելել, որ օրեր անց տեղի կունենա Gyurjinyan production-ի կողմից կազմակերպված երգի և պարի փառատոնը, որտեղ կազմակերպչական հարցերով համագործակցում ենք սիրով։ (Ակն ընդ ական, ատամն ընդ ատաման)

Գիտեմ, որ չես սիրում մասնակցել նաև հարցազրույցների, սակայն շնորհակալ եմ չմերժելու և անչափ հաճելի զրույցի համար։ Ցանկանում եմ նորանոր ստեղծագործական վերելքներ։

Հաճելի էր։

Happy award kids մրցանակաբաշխության մասնակիցներն ու անվանակարգերը

Ալիկ Վարդանյան  «Տարվա լավագույն ձայնային ռեժիսոր»

Մերի Սահակյան  «Տարվա լավագույն մանկագիր»

Արփինե Գյուրջինյան «Տարվա լավագույն պրոդյուսեր»

Լիանա Բոնդոյան  «Տարվա լավագույն խաղավար՝ Էլզա»

Vilmax Events Planner «Տարվա գործընկեր»

Արսեն Խաչատրյան «Ամենից ամենա»

Անի Մնացականյան «Տարվա լավագույն երիտասարդ երգչուհի»

Վյաչեսլավ Օհանյան «Տարվա լավագույն երիտասարդ երգիչ»

Տիգրան Հունանյան  «Տարվա լավագույն փոքրիկ երգիչ»

Ալյա Ադամյան  «Տարվա լավագույն փոքրիկ երգչուհի»

Մելիսա  «Տարվա հիթ «Քամելեոն»»

Սուսի Հակոբյան  «Տարվա լավագույն մանկական կատարում»

Ադրիանա Մնացականյան  «Տարվա փոքրիկ հայտնություն»

Միլենա Մկրտչյան  «Տարվա միջազգային ձայն»

Ռազմիկ Վարդերեսյան «Տարվա յուրօրինակ ձայն»

Լիանա Նահապետյան  «Տարվա յուրօրինակ ձայն»

Ալեք Տաշչյան «Տարվա դեմք»

Լիանա Արազյան  «Տարվա ակտիվ երգչուհի»

Ալեքս Հարությունյան «Տարվա բեմական փոքրիկ երգիչ»

Ինա Մնացականյան «Տարվա բեմական փոքրիկ երգչուհի»

Մաշա Ադամյան  «Տարվա փոքրիկ արտիստ»

Էվա Սարգսյան «Տարվա երիտասարդ հայտնություն»

Դավիթ Դավթյան  «Տարվա լավագույն փոքրիկ կատարում»

Քաջիկ Սարգսյան «Տարվա լավագույն ժողովրդական երգիչ»

Միլենա Էվոյան «Տարվա լավագույն ժողովրդական երգչուհի»

Արեն Մագոյան «Տարվա ազգագրական երգիչ»

Աբել Հովսեփյան «Հանդիսատեսի համակրանք»

Դիանա Հարությունյան «Հանդիսատեսի համակրանք»

Սամվել Մալոյան «Տարվա ձայն»

Նադեժդա Հակոբյան «Տարվա ձայն»

Արամե Ղուկասյան   «Տարվա բազմաժանր երգիչ»

Մարիամ Մելքոնյան «Տարվա փոքրիկ ասմունքող»

Էնջելինա Բեջանյան (Candy NG) «Տարվա փոքրիկ դերասանուհի»

Սարգիս Հունանյան «Տարվա փոքրիկ հաղորդավար»

Ռուզաննա Սահակյան «Տարվա փոքրիկ հաղորդավարուհի»

Մանե Կարապետյան  «Միսս գեղեցկություն»

Մարիա Ալթունյան  «Տարվա լավագույն փոքրիկ մոդել»

Մարի Խաչատրյան «Միսս ժպիտ»

Անի Թարջիմանյան «Միսս հմայք»

Մշակույթի քոլեջ թատրոն – ստուդիա, գեղ․ ղեկ․ Քնարիկ Սասունյան  «Տարվա լավագույն մանկական խումբ»

«Զանգակ» վոկալ ստուդիա գեղ․ ղեկ․Ծովինար Հարությունյան
«Տարվա լավագույն վոկալիստ՝ Ծովինար Հարությունյան»

«Հյուսիս» պարային համույթ գեղ․ ղեկ․ Ալինա Հարությունյան
«Տարվա լավագույն ժողովրդական պարային համույթ»

«Maga dance show» գեղ․ ղեկ․ Անուշ Գիժլարյան  «Տարվա լավագույն պարային համույթ»

«Light kingdom dance studio» գեղ․ ղեկ․ Մարիամ Գալստյան  «Տարվա լավագույն hip-hop  խումբ»

«Lets dance studio» գեղ․ ղեկ․ Արուս Խաչատրյան  «Տարվա լավագույն պարուսույց՝ Արուս Խաչատրյան»

«Dance Art studio» գեղ․ ղեկ․ Սյուզաննա Գրիգորյան
«Տարվա լավագույն պարակցող խումբ»

 Լուսանկարները՝ 

https://www.facebook.com/pg/arxablog.am/photos/?tab=album&album_id=2740675806010000

Կարող եք կարդալ նաև
https://my-child-family.blogspot.com/2020/02/happy-award-kids.html

Նյութը պատրաստեց՝ ԱՆՆԵ ՄԱՐԻ

#GenderBiasedSexSelection /GBSS/ #GenderEquality

Օրեր շարունակ՝ 11.12.-18.12.2019, քաղաք Գյումրիի հյուրանոցներից մեկում անցկացվում է դասընթաց - վերապատրաստում «Դասընթացավարի վերապատրաստում. Հայաստանում կանանց դերակատարության և սեռի հատկանիշով խտրական ընտրության նվազեցման խթանում» ծրագրի շրջանակներում: Հանդիպումների  ընթացքում քննարկվում էր վերարտադրողական վարքագիծը հայաստանյան իրականությունում, դրանց պատճառներն ու պայմանավորվող գործոնները, ինչպես նաև պտղի սեռով պայմանավորված հղիության արհեստական ընդհատումները ու խտրական վերաբերմունքը:

Ծրագրի հետ կապված զրուցեցինք նաև փորձագետ, դասընթացավար Անի Թովմասյանի հետ, ով մեզ հետ զրույցում խոսեց՝ ծրագրի կարևորության և ակտուալության մասին.

- Քանի որ պտղի սեռով պայմանավորված հղիության արհեստական ընդահատումների նվազեցումը վարքագծային լուրջ փոփոխություն է ենթադրում, իսկ նման փոփոխության հասնելը հեշտ չէ` այն երկար ժամանակ ու ջանքեր է պահանջում, ուստի այս ծրագիրը ևս մեկ կարևոր քայլ է... շարունակությունը...https://arxablog.blogspot.com/2019/12/genderbiasedsexselection-gbss.html

Հայաստանն իմ տունն է, ու այստեղի խնդիրները իմ խնդիրներն են

Զրույց  Newspress լրատվական կայքի տնօրեն Արիանա Հովսեփյանի հետ

1․ Զրույցը սկսենք հետևյալով. Արիանա, թե՞ Արմենուհի... Ո՞րն է տարբերությունը:

Եթե պաշտոնական փաստաթղթերով` Արմենուհի, բայց բոլորը ինձ Արիանա գիտեն: Արիանան ինձ մնաց արտերկրից, երբ դժվարանում էին ասել Արմենուհի` այլընտրանք էին փնտրում, այդպես ծնվեց Արիանան և մնաց մինչև այսօր: Այն ինձ դուր է գալիս:

2․ Ինչպե՞ս որոշեցիք հիմնել Newspress լրատվական կայքը:

Այնպես չէ, որ Newspress կայքով եմ մտել լրատվական դաշտ: Մինչ այդ «Անդրադարձ» շաբաթաթերթն էի հիմնել: Այնտեղ ևս բավականին աղմկոտ հոդվածներ էին հրապարակվում: Իսկ երբ 2015 թվականին նորից ժամանել էի Հայասատան, տեսա, որ դաշտը լցվել է լրատվական կայքերով: Այդ շրջանում բացված կայքերից որոշներն այսօր չկան: Իսկ Newspress-ը հիմնվեց, աշխատում է ու հեղինակություն ունի: Նշանակում է իզուր չէր կայքը բացելու մտահղացումը:

3. Դժվար չէ՞ր, լինել մեկ այլ մասնագիտության ոլորտում, սակայն ղեկավարել մեդիա դաշտը:

Երբ քո առաջ նպատակներ ես դնում, գիտակցում ես, որ կարող են նաև դժվարություններ լինել, ու երբ դու այդ մասին գիտակցում ես, դժվարություններն ավելի հեշտ են հաղթահարվում ու աննկատ անցնում: Կարևորը մեծ ցանկություն ունենալն է: Եթե վախենանք դժվարություններից, ապա միշտ տեղում կդոփենք, իսկ հարկավոր է` առաջ շարժվել...

4. Օրեր անց կսկսեք պարգևել ժպիտներ մի շատ մարդկանց. խոսքը թերևս «ՊԱՐԳԵՎԻՐ ԺՊԻՏ» ԲՀ-ի մասին է: Հիմնադրման ստեղծելու գաղափարը, նպատակը ո՞րն էր:

Արդեն ասացի, որ հարկավոր է առաջ գնալ: Կայքի ստեղծումից ի վեր բավականին մեծ թվով մարդիկ են մեզ դիմել իրենց խնդիրներով և խնդրել բարձրաձայնել դրանք: Սոցիալական խնդիրները միշտ գերիշխել են: Իհարկե հրապարակումներ են եղել, որոշ մարդկանց նաև հնարավորության սահմանում օգնել ենք: Ու որքան էլ փորձեինք ինչ-որ բանով օգնել, միևնույնն է` մի բան միշտ անկատար էր մնում: Հենց այստեղ էլ մտահղացում առաջացավ ժպիտ պարգևել: Իսկ ինչու՞  պարգևիր ժպիտ, որովհետև մարդիկ, ում օգնում էինք, սովորաբար ժպտում էին մեզ ու շնորհակալություն հայտնում: Հիմա որոշել ենք ավելացնել այդ ժպիտների քանակը:

5. Մեր օրերում կանայք ավելի ակտիվ են քաղաքականության մեջ: Կարո՞ղ ենք ասել, որ հիմնադրամի բացելը ինչ-որ տեղ պետական կառավարական մարմիններին ու շատ այլ անձանց որևէ բան ապացուցելն էր:

Արդեն ասացի, որ հիմնական նպատակը մարդկանց օգնելն է, իսկ մարդկանց օգնելը մենք մրցակցությունից դուրս ենք դիտարկում: Կառավարությունը պարտավոր է օգնել իր քաղաքացիներին, իսկ մեր գործունեությունը կլինի աջակցություն թե՛ դրա կարիքն զգացող քաղաքացիներին, թե՛ կառավարությանը, որը շատ հաճախ թերանում է իր պարտավորություններում: Մենք ուզում ենք ցույց տալ շատերին, որ ցանկության դեպքում հնարավոր է լինել նեցուկ ու հենարան:

6. Ձեր հարցազրույցներում, ուղիղ եթերներում հաճախ եք նշում, որ հիմնականում Հայաստանում չեք բնակվել և շարունակում եք ապրել օտար հողում: Խնդիրն էլի քաղաքականությա՞ն հետ էր կապված:

Ինչպես ասում են` ես մի ոտքով այնտեղ եմ, մյուսով` այստեղ: Գործի և հանգամանքների բերումով է այդպես: Բայց երբեք չեմ կտրվել իմ արմատներից, քանի որ Հայաստանն իմ տունն է, ու այստեղի խնդիրները իմ խնդիրներն են.  ես քաղաքականությունից երբեք չեմ փախել, դա ինձ չի վախեցնում: Եթե այդպես լիներ, ապա ես ․․․ շարունակությունը

«Սիրելու ժամանակ աչքերի մեջ մի նայեք, այն կկործանի ձեզ»-Անկեղծացել է ԱՐԽԱՆ

Արխա բլոգ մշակութային կայքի հիմնադիր տնօրեն Արամ Խաչատրյանը` ԱՐԽԱ-ն, ով իր գործունեության ընթացքում շատ մարդկանց է բացահայտել, այսօր իմ հյուրասրահում պատմում է իր գործունեության որոշ դրվագների, նախընտրությունների, տարբեր ոլորտներում ներգրավվածության ու էլի հետաքրքիր դրվագների մասին:  

1․ Խոսենք բեմական գործունեության, անցած ճանապարհի մեկնարկի մասին. Մարդիկ, միջավայր, բնություն. ի՞նչն էր, կամ ո՞վ էր, որ քեզ հաստատապես կանգնեցրեց արվեստի ճանապարհին:

Արվեստը չսիրել անհնար է, բայց այդ սերն ավելի արտահայտվեց, երբ հանդիպեցի երջանկահիշատակ դրամատուրգ Գևորգ Կարապետյանին, սակայն հետագայում ավելի մեծ անակնկալ էր նախատեսված` 15 տարեկանում` ավագ դպրոցում, հանդիպեցի դասղեկիս` Լարիսա Առաքելյանին, ով էլ մեծ դեր ունեցավ իմ կյանքում: Այսօր տեսնում եք նրա կերտած ԱՐԽԱ-ին: Չմոռանամ նաև, որ ընթացքում ստացել եմ նաև ուշադրություն դպրոցի տնօրեն Հասմիկ Հարությունյանից և մի շարք ուսուցիչներից:

2․ Արամն ու ԱՐԽԱ-ն տարբեր են իրարից:

Բավականին... Արամն այդքան էլ համարձակ չէ և շփման ընթացքում գոռոզ է ու պարփակված: (ծիծաղում է): Արխայի դեպքը լրիվ ուրիշ է` շփվող, պահանջկոտ ու չնահանջող: Կարճ ասած՝ երկու ԵՍ-երի կռիվ:

         3․ Գրականությունը, ասմունքը լրացնու՞մ են քո այս պահին դերասանական արվեստով  չզբաղվելու բացը, թե՞ դրանք բոլորովին տարբեր սերեր են:

Ժամանակ առ ժամանակ բեմում լինելն ավելի է ստիպում կարոտել հանդիսատեսին, ծափերը... Այս պարագայում փորձում եմ ինչ, որ տեղ ինքնախաբեությամբ զբաղվել:

4․ Ի դեպ, սիրո մասին. Սերը քո կյանքում…

Ա՜խ (խորը հոգոցով և ժպիտով  շարունակում է)... մեծ ուրախությամբ ասեմ, որ այդ տեղը միշտ կարճ ժամանակով է թափուր մնացել: Այս պահին ևս կա, բայց ո՞նց և ինչպե՞ս կշարունակվի, ապագան ցույց կտա:

5․ Գրականության մասին.

         Ժամանակակից գրականությունը ինչի՞ մասին է: Հիմա֊ն քեզ համար ստեղծագործակա՞ն է:

Միշտ ստեղծագործական է, քանի որ դա այն ոլորտն է, որը  նորություն է սիրում` կառուցված հնի վրա:  Այսօր էլ ունենք լավ գրականություն, բայց դրանց մեջ կան նաև անպետք նյութեր, որոնք կխեղաթյուրեն  ապագան:

6․ Հիմա խոսենք Արամ Խաչատրյան  (Արխայի)  հետ՝ որպես Արխա բլոգ մշակութային կայքի հիմնադիր.

Ինչպե՞ս ծնվեց բլոգ ունենալու միտքը, ի՞նչ շարժառիթով  մարդիկ կարող են դառնալ բլոգի ընթերցող:

Բլոգ ունենալու միտքն անվերջ ուղեղիս մեջ է եղել: Դեռ վաղ տարիքից հանրային մարդկանց հետ սիրել եմ սոց. ցանցերով զրուցել, բայց եկավ մի պահ՝  հասկացա, որ այդ խոսակցությունները նման չեն սովորական զրույցների ու հաճախակի դիմացինս մտածում էր՝ հարցաքննում եմ իրեն։ Ուստի որոշեցի ունենալ այն հարթակը, որտեղ կբարձրաձայնվեն զրույցները։  Առաջինը դիմեցի ընկերներիս օգնությանը՝ նպատակս իրագործելու համար: Բլոգում չկան դեղին կամ սև մամուլի հետ առնչվող նյութեր, ինչի համար կարծում եմ՝  ընթերցողը մեծ բավականություն կստանա զրույցներից, հատկապես, որ դրանք հաճախ վարում են պրոֆեսիոնալները՝  նրանցից մեկն էլ Դուք եք սիրելի՜ Մանե, և անակնկալ էր Ձեր զրուցակցի աթոռին հայտնվել:

7․ Շնորհակալ եմ:

Արդեն երկրորդ տարին անընդմեջ Արխա Բլոգ մշակութային կայքի նախաձեռնությամբ անցկացվում է Unique Awards մրցանակաբաշխությունը: Խոսենք նաև այդ նախաձեռնության նպատակներից:

Բլոգի 3 տարին, երբ լրացավ պետք է նշեինք՝ տարբերվող ու հիշարժան առիթն էր պակասում: Հանդիպում ունեցանք պրոդյուսեր Արփինե Գյուրջինյանի հետ և զրուցյի ավարտին հասկացանք թե ի՞նչ է հարկավոր մեզ: Արվեց մրցանակաբաշխությունը` առավելությունը տալով փոքրերին: Սակայն երկրորդի ժամանակ շրջանակն ավելի մեծացավ: Երրորդը կլինի ավելի հետաքրքիր: Գուցե ոչ եկող տարի, բայց լինելուց ավելի հիշվող բան է կազմակերպվելու:

8․ Պրոդյուսրի կարգավիճակում ինչպե՞ս տեսար քեզ:

Անկեղծ դեռ ադապտացման փուլում եմ, բայց կարծում եմ՝ դժգոհություններ շատ չեն լինի հետագայում:

9. Մեր ընթերցողին կհետաքրքրի նաև քո գործունեության ևս մեկ շատ կարևոր դրվագ. Խոսենք  «Երեխայի և ընտանիքի զարգացման կենտրոն» Բարեգործական ՀԿ ի գործունեության, նպատակների, գրանցած ձեռքբերումների և իհարկե այստեղ քո ներգրավվածության մասին.

Կենտրոնը բարեգործական է որտեղ կան շատ երեխաներ` կարիքավոր և հատուկ ուշադրության կարիք զգացող՝ հատկապես մանկական ուղեղային կաթվածով փոքրիկներ: Հանգստություն եմ զգում այնտեղ, գիտե՞ք:

Հանրային կապերի բաժնի ղեկավար եմ աշխատում և գոհ եմ, որ այդ պատասխանատու գործը վստահվել է ինձ:  Սիրում եմ ու գնահատում այն մարդկանց, ովքեր մեր փոքրիկների կողքին են՝ հանձինս Մարինե Եգորյանի: Կազմակերպությունում էլ սպասվում են նորանոր ծրագրեր: Իսկ օրեր անց կլինի պաշտոնական բացումը:

10. Զրույցը սկսեցինք գրականությունից, ավարտենք գրականությամբ. Գուցե երկտողո՞վ:

Պարզապես թույլ տվեք ասեմ. «Սիրելու ժամանակ աչքերի մեջ մի նայեք, այն կկործանի ձեզ»: (ժպտում է)

Հարցազրույցը Մանե Գասպարյանի